音乐综艺层出不穷，

冇竞技性质嘅就更加难出头，

不过去年嘅《时光音乐会》

(相关资料图)

却神奇地打破咗呢个定律。

呢档冇任何竞技性质嘅

户外音乐慢综艺，

集结一班唔同年代嘅音乐人

演唱属于各自嘅代表作，

分享歌曲背后嘅时光记忆。

可能因为聚焦于

最纯粹嘅音乐表达，

《时光音乐会》反而

在剑走偏锋嘅试水中

获得咗相当唔错嘅回响，

成为去年口碑最好嘅音综之一。

收官之后，

唔少观众就开始期待第二季，

就在前段时间，

千呼万唤嘅《时光音乐会2》

终于传来录制消息。

新一季嘉宾阵容

真係十分值得期待噶~

既有老牌歌后惊喜出山，

也有当红嘅实力唱将加盟。

对于好多后生仔女而言，

你未必知道田震有几犀利，

但一定睇过无数艺人

模仿佢嘅《风雨彩虹铿锵玫瑰》

你可能只识打篮球嘅孙悦，

唔知边个係女歌手孙悦，

但你一定听过佢首《祝你平安》

而一直“在车底”嘅阿杜

以及“短发”好迷人嘅梁咏琪

都係近年嚟嘅音综稀客，

最近都成日上节目、勤力营业，

让好多歌迷格外惊喜。

至于周深、胡夏两位

代表新生代力量嘅歌手，

虽然近几年都成日见到

佢哋上综艺玩，

不过大家依然期待佢哋能

同其他歌手碰撞出啲新惊喜。

另外，同上一季一样

《时光音乐会2》每期节目

仲会邀请几位飞行嘉宾。

目前已完成录制嘅第一期节目

就邀请咗邓紫棋同张栋梁。

从路透图中可见，

呢几位平时鲜有合作嘅歌手

难得同框都相谈甚欢，

唔知到时为会观众带来

哪些梦幻联动嘅舞台咧？

睇完路透图，有网友就惊爆：

节目中Gigi梁咏琪、“伊面”郑伊健

会嚟个“世纪同框”！

其实係个大乌龙嚟嘎~

原来，係阿杜意外撞脸郑伊健，

又啱好坐正GiGi隔离位……

其实阿杜初初出道嗰阵

又真係有过“小郑伊健”之称，

呢个标志性嘅中发斜刘海look

确实係有几分相似嘅~

well~其实细谂一下，

都知道伊面、GiGi同台

係一件不太可能嘅事情。

当年轰轰烈烈嘅“双琪夺面”事件

至今仍係

好多港娱花生友嘅八卦谈资。

而爱过7年嘅两人之间

早已经划上句号，

如今也各自有咗家庭，

始终係要避嫌嘅。

anyway~

你觉得《时光音乐会2》嘅

歌手阵容值得期待吗？

你最想见到边为歌手上节目？

资料来源：综艺截图、微博、豆瓣

网络信息综合整理

编辑：陈祉伶

审核：曾敏妍

签发：骆苹